Era dhe Fatoni janë ndarë, ai e thotë me gojën e tij

01:05 | 24 Dhjetor 2017
Trina Galanxhi

Faton Shoshi ishte për një kohë të gjatë menaxheri i Era Istrefit derisa në nëntor ata të dy nuk e rinovuan më kontratën.

Nisi të thuhej se bashkë me ndarjen profesionale ndodhi dhe ajo personale, për të cilën kishte kohë që flitej se dyshja ishte bashkë.

Dyshimet u bënë akoma më të thella kur u pa se Era dhe Fatoni nuk ndiqeshin më në Instagram.

I ftuar në emisionin Thumb, Fatoni u pyet:

“Deri më sot binomi Era- Faton ka qenë i pandarë. Kohët e fundit po përfliteni sikur është shkëputur marrëdhënia juaj.”

“E vërteta qendron që kemi patur disa mosmarrëveshje të vogla. Mosmarrëveshja e parë ka qenë për këngën “Redrum” dhe kështu ia nisi pastaj për ne [me mosmarrëveshje]. Unë nuk isha dakord me diçka aq ndërkombtare [kompozitori i këngës është i huaj]. Jemi ndarë por jemi miq. Ajo ka vendosur të ndjekë rrugët e saja, unë të mijat.”/albeu/